Samedi le 11.août 2007

Sæl, sæl.
Vikan búin að vera hin eðlilegasta, er farin að kunna ágætlega vel við bekkinn, held hann verið bara alveg ágætur og vonandi nær maður að standa sig vel í honum.
Byrjuðum aftur í hinum mörgu og mismunandi tíðum sagna í dag ofan á allt annað sem við erum að læra.

Dagurinn þar sem við eigum að koma með traditional “Dish” frá okkar pays! Er búin að breitast í Fimmtudaginn 22. ágúst í stað 15 . þar sem það er þjóðhátíðar dagur í frakklandi 15. ágúst og allt lokað.

Í kvöld náði ég í fysta skipti að horfa á sjónvarpið, franska, og það voru 2 þættir í röð af Numbers náttúrulega á öðru tungumáli, en ætli ég hafi ekki náð að horfa á samanlagt einn þátt, endi af þætti um Keanu Revees og nokkur sirkús atriði þar til ég gafst upp á hungrinu og fékk mér að eta, það er nú nokkuð gáfurlegt að gera það oftar en einu sinni yfir daginn.

Strax eftir tíma í dag rölti ég með Reiki (61 árs) og Allison (23 ára) niður í bæ, vorum allar á leið á sama svæðið.
Og ég fann loksins pósthúsið !!! og keypti 7 kílóa kassa á 29 € til að geta sent heim. 5 kílóa kassinn var er svo lítill að ég skil ekki alveg hvað þeir senda venjulega þar sem 7 kg. Er líka lítill..
Ætli þeir sendi smásteina ? litlir en eru með þyngri eðlis massa en flest annað. ;)

Nú þarf maður bara að geta mælt út rétt þyngd með því að halda á pakkanum síðar.
Þar sem ég á að filla kassann hérna og fara svo og skila honum á pósthúsið, búið að borga fyrir 7kg og því er eins gott að finna út leið til að hafa það sem réttast, allavega ekki þyngra ;)

Það er búin að vera góð rigning hérna í þesari viku. Maður lenti í skrautlegu baði þegar ég hjólaði í búðina á þriðjudag held ég að það hafi verið og þegar ég var komin að kassanum að borga fyrir hráefnið mitt byrjaði HELLI demba.. Nokkuð gott stuð að hjóla til baka í því ;o)
En það var hætt að rigna í morgun eftir 3ja daga vökvun og það á að vera fínt veður um helgina og hlína jafnvel meira eftir hana. Engin furða að fólk er all oft mjög ánægt með rigninguna hér, þó hún komi reglulega, ágætis kæling fyrir flesta bíst ég við.

Hegin er algjörlega óskrifað blað hjá mér utan við það að læra mjög vel náttúrulega.
Ætla að fara að koma mér í það að lesa aðeins og hafa það kósí,ég læt þetta á netið á morgun.

Er líka að láta mér hlakka til að að sjá hvort mamma sé að senda mér eitthvað auka með sendingunni sem hún er að prófa að senda til mín núna.

Hafið það fínt, þar til síðar, verði þið sæl.
P.S. þið vitið líka hvað það er auðvelt að senda e-mail núna og segja hæ, 18jánda öldin er löngu liðin ;) HAHaahaaa.
Kv: Ása Björg

Góðan dag aftur. Komin laugardaur klukkan rúmlega 16:00 hérna og svona venjulegt veður, er búin að rölta aðeins niður í bæ í morgun og svo LÆRA, er alls ekki búin með það, að læra fyrir morgundaginn, utan við það að rifja upp og fara yfir það sem við erum búin að hlaupa yfir í tímunum. Verðum aðgera það ætíð og reglulega til að geta hugsanlega gert eitthvað á prófinu.
Og heimavinnan fyrir Mánudaginn er óvenjumikil miðað við venjulega og venjulega er hún nú ekki lítil ef ég á að segja alveg eins og er. En hvað um það...

bíst við að ég haldi lærdómnum áfram eftir að ég er búin að vera aðeins í tölvunni, með því að næta mig eitthvað, byrja að raða í kassann og ákv. hvað á að fara í hann og gera einhverja aðra afþreyingu á milli lotna í lærdómnum til að láta hugann fara á einhvern annan stað í smá tíma. :)
Hafið það gott um helgina,
veit að pabbi er að slá upp í dag og allt á fullu þar, systurnar Mamma, Hulda, Lauga og fjölskylda Laugu eru að baða tærnar í heitumpotti hjá sumarbústað, hrein sæla hlýtur að hylja andrúmsloftið hjá þeim. Og Katrín, ja, ætli hún sé ekki að jafna sig á gærdeginum núna.

Hafið það sem allra best heyrumst síðar ef vættir og náttúra lofar. Kv.
Ása Björg

5.aout. dimanche

Þessar myndir eru nokkrar af þeim sem maður tók, þegar við Les, Janet og Janella fórum í bíltúrinn, á hinn enda Annecy vatns, í fjöllin og sveitina. Held að það sé alveg fyrir víst að þetta hafi verið uppáhalds dagurinn minn hérna þegar við fórum í þessa ferð, náttúrann svo flott. Vá hvað mig vantar góða, góða myndavél. Á leið upp, ef maður væri hinum megin við landamærin geti maður vel sagt að maður væri kominn í Heiðu á Fjallinu en þar sem við erum ekki í Sviss er það ekki málið. ;)

Við erum komin á einn hluta fjallsins og hér sjáum við yfir Annecy vatnið, Annecy þorpið er alveg við endan sem þið sjáið lengst í burtu. Góð mynd ha? ;)

Mér fannst hönnuninn og náttúrann hérna uppi alveg frábær. Þetta er eitt af góðri blöndu sem maður sá og eitt af hjólunum sem hafði verið komið fyrir þegar maður labbar á veröndina á þessum veitingastað

















Við hliðina á veitingastaðnum voru þau með smá aðsetur fyrir asnana sína, dverg geitur og kanínur sem krakkar sem og fullorðnir gátur notið að tala við og virða fyrir sér :)

Mjög gæfar, og róleg jórtraði framan í mann með bestu list og virti mann fyrir sér með gáfuðum augum sem virtust í eitt skipti segja, "Hvað er þetta hefurðu aldrei séð fallega litla geit áður, það er nú ekki eins og ég sé marsbúi í heimsókn á jörðinni. Æi góða besta taktu bara mynd. " :)

















Þetta eru Les Hedquist og Janet Peterson. :)

Smá texti : ;)

Sæl og blessuð.

Maður er nokkuð slakur og þreyttur núna í morgun sárið.

Mér og Chon var boðið í morgunmat í gær. Mexíkanskan. Mjög góður Robert kann að eldasér morgunmat, hef samt held ég aldrei prófað að borða svona þungan morgunmat. fínt að prófa það.

Svo kom maður til baka uppá herbergi, skrifaði aðeins og lagði sig áður en við fórum í langa hjólreiða ferð, út úr Annecy og uppá næstu hæðir.
Hjóluðum allavega í gegnum Seymond og fleiri staði. Verð að vera að horfa á kort af þessum stað til að geta sagt ykkur nöfnin nákvæmlega.

Það var ótrúleg traffík inní Annecy í gær. Það var engin furða að maður vildi komast út úr bænum í smá tíma, maður gat ekki einu sinni labbað á götunum það var svo mikil kvös, maður varð að fylgja straumnum þó svo að maður hefði upphaflega verið að fara í gagnstæða átt, lá við ;) hehee..
Já maður hjólaði sko úr bænum og út í sveitina,
maður varð oft að hjóla á hraðbrautinni.
Enda var líka það litla sem ég tók með mér í túrinn utan við vatn og myndavélina (ef hægt er að kalla þetta myndavél ;))
var sjúkratryggingin mín í útlöndum, blóðflokka spjaldið mitt og ökuskírteini, svona svo fólk gætu vitað nánustu upplýsingar um mig ef eitthvað slys yrði.

Eftir að maður kom til baka var tekinn sturta og etinn ávöxtur áður en maður fór að leita sér að stæði við vatnið til að horfa á flugeldanna. Robert kom líka en fór fljótlega aftur eftir að þeir byrjuðu.

Mér fannst þetta nú bara þægilegt, leið vel, happy að standa þarna ein í þvögunni (ja náttúrulega ekki ein..en þið vitið) og mp3 spilarann í eyrunum, með sína eigin tónlist við ljósa- og flugelda-show-ið. Eftir að sýningin kláraðist fór maður svo aftur uppá herbergi. Var orðin þreytt en ekki alveg til í að fara að sofa, svo það endaði með miðnæturnnasli, tölvu, skrifum og smá lestri í lifandivísindum.

Ágætis dagur í gær sem sagt.
Veit ekki alveg hvað ég get verið mikið úti í dag þó ég væri alveg til í að liggja úti í sólinni, en þar sem maður þarf að gera heimanám og glósur og fallbeygja sagnir síðan á föstudaginn þá veit maður ekki alveg hvað maður hættir á mikið af fríi í dag.. :)

Ég náði líka loksins í gær að koma myndunum af síðustu 3 vikunum hérna eða svo inná tölvuna mína, svo nú get ég farið að sýna ykkur smá nasaþef af öðrum dögum.

Ég er núna að borða, sjáfarfang í forrétt og í aðalrétt er spínat svo maður ætti að vera sterkur, brokkolí með möndlum og smá nautakjöt.
Það er gott þegar það eru tennis mót hérna þá er eitthvað svona hollara og nýtt á boðstólnum í kaffiteríunni. En það hefa ekki verið mörg tennismót hérna. Þetta er annar sunnudagurinn síðan ég kom hingað sem terian er opin á sunnudegi.
En það er bara fínt líka, þá lítur maður á þessar máltíðir sem sumar jóla máltíðir, líka miðið við það sem maður er nú yfirleitt ekki að eta hérna.. ;)


Þið verðið að fyrirgefa ef það eru einhv. Stafsetningavillur eða sérstakt orðalag núna.. er að stelast til að nota netið í kaffiteriunni á meðan ég er að eta. Er ekki alveg að nenna að sitja á gólfinu við innganginn á húsinu núna, sérstaklega þar sem það er góð traffík út af þessu tennismóti, hátíðinni í gær og svo náttúrulega fólkinu sem býr hérna á hótelinu og vistinni líka.

(Veit ekki alveg hvort ég næ líka að svara Janellu frá Hawaii sem var að senda mér póst í dag, en vona það, já núna er maður byrjaður að vera ágætlega í bandi við Hawaii í gegnum meira en eina manneskju, svo er það líka N.Y. sem ég er að sjá að ég verð að prófa að vinna þar í leikhúsi í allavega mánuð, er víst ekkert vandamál fyrir mig að fá vinnu við þau litlu ef eitthvað er að marka Tom, svo það gæti verið einn mánuður einhverntíma í framtíðinni ;) Og svo er ég einu sinni búin að senda póst og fá svar frá Ottawa í Canada.)

Ætla að henda nokkrum myndum inn núna.